All The Contents by Labels

Books Review/ पुस्तक परिक्षण (1) qoutes /सुविचार (1) इतर कविता (23) इतर कविता / General Poems (83) कविता/Poem (1) प्रेम कविता / Prem Kavita (59) प्रेम कविता /Love Poems (3) प्रेरणादायी कविता (3) प्रेरणादायी कविता / Inspiring Poems (9) मराठी कविता / Marathi Kavita (1) मराठी कविता / Marathi Poetry (1) मराठी कविता / Poems (1) मराठी कविता /Marathi Poem (1) मराठी कविता /Marathi Poetry (2) मराठी लेख / Articles (1) मराठी लेख / मराठी Articles / लघु कथा (2) मराठी सुविचार /Quotes (1) मैत्रीच्या कविता (7) मैत्रीच्या कविता / Friendship Poems (10) लेख /Articles (4) लेखन (8) लेखन / Marathi Lekhan (54) विचार / thoughts (1) विडंबन कविता (2) शायरी (1) सुविचार / One Liner (2) सुविचार / Quotes (2) सुविचार /Quotes (7) सुविचार/Quotes (1) हिंदी / Quotes (1) हिंदी Quotes (1) हिंदी कविता / Hindi Poems (2) हिंदी कविता /Hindi Poems (3) हिंदी कविता /Poems /Quotes (1) हिन्दी कविता / Hindi Poems (2)

Saturday, November 29, 2014

मनाच्या आडात...

मनाच्या आडात,
काव्याच द्राव्य,
खुप साचलेलं असतं.

पोहरा आडात,
तर मी रोजच टाकतो.
पण...
तो कधी भरुन येतो,
तर कधी रिकामा. - हर्षद कुंभार... 

Friday, November 21, 2014

राग आणि प्रेम

रागावण्याने तिच्या जणु ...
तिव्र सरींचा मारा होतो,
विनवण्या करुन करुन
जिव मात्र बिचारा होतो.

प्रेमाचा धागा हा ...
दरवेळी नाजुक नसतो,
रागवली ती की ...
तो सुतळीगत पण लागतो. - हर्षद कुंभार...

Sunday, November 16, 2014

सुचेलच अस काही नसतं

दर वेळी काही सुचेलच ,
अस काही नसतं...
मोकळा क्षणपण येतो,
एकही ढग नसलेल्या आकाशासारखा...

जेव्हा आपलं आकाश
एकदम निरभ्र असतं ...
तेव्हा फक्त दुसऱ्याचं बरसनं
अनुभवायचं असतं... - हर्षद कुंभार....





Friday, November 14, 2014

लहानपण...

लहानपण नकळत सरलं ....
मोठेपण कळत कळत आलं .
अल्लडपणा अलगद गेला ...
समजुतदारपणा सावरत आला .

लहान असताना मनी
मोठ होण्याच स्वप्ऩ ...
आता मोठ झालोय तर
मोठ का झालो हे उरी दुखःन...

काळ बदलला , वेळ गेली
भविष्याची पतंग उडवताना...
हाती वर्तमानाचा तर...
भुतकाळाच्या आठवणींचा मांजा
परेटीला गुंडाळलेला... - हर्षद कुंभार...

Thursday, September 18, 2014

मी देत राहीलो...

मी जळत राहीलो ...
तिच्या इच्छांना प्रकाश मिळण्यासाठी...
मी रात्र जागत राहीलो ...
तिच्या स्वप्नांना दिवस दिसण्यासाठी...

मी वाहत राहीलो ...
तिच्या विचारांना वेग येण्यासाठी...
मी सारं देत राहीलो ...
तिच्या ओंझळीत सुःख भरण्यासाठी... - हर्षद कुंभार...

Friday, July 11, 2014

तो एक पाऊस ...

कधी क्षणभराचा ओलावा...
कधी क्षणभराचा विसावा...

कधी हसवतोस ...
कधी रडवतोस ...

कवितेत दिसतोस तु ...
भावनांनमधे वसतोस तु ...

कधी डोळ्यात तरळतोस ...
कधी मनात बरसतोस ...

तुमच्या आमच्या मनातला
तो एक पाऊस... - हर्षद कुंभार -

Monday, June 30, 2014

सांग ना राजा कवा तु येणार...

समदीकड बग कसं कोरडं पडलयं
डोळ्यात काय ती फकस्त पाणी उरलय...
अजुन कीती रे अंत पायशील
शेतीगत तुबी आता लाटरीच तिकीट बनलय...

कुठनं जगण्याची कास धरायची
मानसंच ते हाल जनावरांच काय होईल...
दरवर्षी पिकाचा भरोसा नाय
औंदा तु नाय आला तर आयुष्याच पिक काय राईल.

सांग ना राजा कवा तु येणार
हाल जीवांचे हे संपवीनार ....
जीवांना घोर लावाया
जीव तरी का ह्यो उरनार...  - हर्षद कुंभार .

Monday, June 9, 2014

मनाची मासेमारी...

मनाच्या डोहात ...
खुप भावना असतात,
शब्दांच्या गळाला मात्र ...
मोजक्याच लागतात.

काही भावना ...
अलगद शब्दात अडकतात ,
तर काही आढे-वेढे घेऊन ...
खुप रडवतात.

मोठ्या मासळीसम ...
कधी छान कविता होतात,
तर कधी छोट्या ...
चारोळीनच जाळी भरवतात. - हर्षद कुंभार -

Monday, June 2, 2014

देहभान....

सतत होऊन विचारांचा मारा ...
मन करी मझ बेजार,
दमुन मेंदु तव माझा ...
जडवी मझ नव आजार.

लाख विचार करुन ...
मनास ना मिळे कोणतीच शांती
देहास परी पीडा फार ...
सवे त्याच्या न राही मझ भ्रांती. - हर्षद कुंभार --

दुःखी विचारांच वादळ...

दुःखी विचारांचच वादळ
का बर मनात घोंगावत राहतं...
जुण्या - नव्या सगळ्याच मनीच्या
जखमा ताज्या करत जातं...

सुखाने भरलेला क्षण
कितीही भक्कम असला तरी...
दुःखाचा एकच मारा
सुःखाला नामशेष करुन टाकतं. - हर्षद कुंभार
..

Tuesday, May 13, 2014

नविन नातं...

नविन लोकांशी जुळवून घेयला ...
त्यांच्या मनात घर करायला...
पहिले आपल्या मनाची कवाडे ...
उघडी करावी लागतात.

त्यांच्याशी मिळतं-जुळतं ...
थोडं कमी, थोडं जास्त ...
मैत्रीचं रुप घडायला...
मनाला साच्याच स्वरुप द्यावं लागतं.

विचारांच्या कणांनी घट्ट ...
झालेलं मैत्रीचं ते नातं ...
पहिल्या दिवशी जरा असलेलं ....
नंतर मात्र खुप झालेलं असतं.  - हर्षद कुंभार

Thursday, April 17, 2014

तुझ्याशिवाय....

तुझ्याशिवाय प्रेमाची ...
व्याख्या काहीच नव्हती,
तुझ्याशिवाय आयुष्याची ...
मझ गणती शुन्य होती.

तुझ्याशिवाय जगण्याची ...
इच्छा कधीच नव्हती,
तुझ्याशिवाय स्वप्नांची...
मझ किंमत ती काय होती.

तुझ्याशिवाय अधुरा मी ....
श्वासाविन ह्रदयची धडपड होती,
तुझ्याशिवाय काय मी...
फक्त अस्तित्वाची लढाई भवती.  - हर्षद कुंभार

Tuesday, April 1, 2014

नवं जग नवं आव्हान ...

एक वेगळच विश्व
आता उभं होत आहे...
जबाबदारीच जणू नवं
पर्व सुरू होत आहे...

हवं हवस स्वप्नांतलं
जग सत्यात उतरत आहे...
गोड आव्हान पेलायला
मन तयार होत आहे... - हर्षद कुंभार

Friday, March 21, 2014

यश - अपयशी

स्वप्नांची सावली...
खुप मोठी होते,
परी प्रयत्नांची प्रतिमा...
मात्र लहानच राहते.

मिळालेल्या यशाने...
समाधान न काही होते,
हव्यासाची भूख ...
मात्र वाढतच राहते.

प्रयत्नाला दोष देण्या ...
धाडस न काही होते,
अपयशाचे खापर मात्र...
नशिबावर फोडले जाते. - हर्षद कुंभार

एक कविता

समाधानाची एक
पातळी नक्कीच असावी...
पण प्रगतीला ती कधी
मारक नसावी...

मनी नशिब घडवायची
जिद्द असावी...
पण प्रयत्नांची पाळी
कधी रद्द नसावी... - हर्षद कुंभार

Saturday, February 8, 2014

तुचं माझं....





तुच माझं कव्या
तुच माझी कल्पना...
शब्दात उतरते
मनीच्या भावना...

तुच माझं विश्व
तुच माझा ध्यास...
माझा प्रत्येक क्षण
तुझ्यासवे हवा खास...

तुच माझा आवाज
तुच माझ स्वरुप...
तुझ्यातचं आहे मी
तुच माझं प्रतिरुप...

तुच माझं शरीर
तुच माझा श्वास...
कणाकणात होई
तुझाचं आभास - हर्षद कुंभार