तोडुन पाश मोहाचे…
उभा मी ठाकलो,
राखेचा होऊनी अंश …
प्रकाश मीच जाहलो.
संकटे वाटली अनेक …
झगडत मी राहिलो,
कालची रात्र भयान…
आज मीच सुर्य जाहलो.
नाही वाट मोजली…
दिशा शोधत चाललो,
आज माझ्यातुन मी…
पुन्हा नव्याने जन्मालो. - हर्षद कुंभार (१६-११-२०१७ ४.००)
#KshanKahiWechalele #harshadkumbhar
मोकळे आभाळ माझे…
दाही दिशाही स्पष्ट मला,
पण झेप घेऊ कशी…
मनात अंधकार माजलेला. ¦¦
मी, मीच आहे का ती …
प्रश्न माझाच मला,
विस्कटलेल्या क्षणी…
वाटे आधार हरवलेला. ¦¦
हरवून बसले जग …
शोध नकोच मला,
अंतच नाही ना हा …
प्रश्न मनी उरलेला. ¦¦ - हर्षद कुंभार (१५-११-२०१७ १२.०७ )
ओशाळून बसलो मी…
समोर संधीच गाव तरी,
मागतो पहाट नवी …
पण निश्चय रेंगाळत काही.
रोजचेच जीणं म्हणून…
दोषी मलाच मी,
विसावु थोडे करून…
काळ चाखले काही.
येईल एक दिवस करत…
गेल्या रात्री उलटून,
त्याच विचारांमध्ये मी
आजही पहुडलेला काही. - हर्षद कुंभार (०६-११-२०१७ ११.०० रात्र )
#KshanWechaleleKahi #harshadkumbhar
